Gerediaga Elkarteak, urte hasieratik Durangaldea ezagutzeko ibilbide turistiko bat abian jarri du: Merioaren ibilbidea. Totem batzuen bidez zirkuitua markatu da eta lehenengo lau bisita gidatuak antolatu dira.

Ibilbide berri honek egun batez eskualdeko leku enblematikoak erakusten ditu: leku zoragarriak ezagutzeaz gain, bere sorrera, erakundeak eta historia ere ezagutzera ematen du.

Gure eskaintzak baiezko erantzuna izan du eta pozik gaude lehenengoko emaitzekin: 100 pertsona inguru hartu dute parte asteburu bitan antolatutako txangoetan.

Publikoa mota askotakoa izan da: batetik kultur teknikariak, alkateak eta gure bazkideak, bestetik Durangaldeko biztanleak eta azkenik, kanpoko bisitariak, Bilbotik etorritakoak, batez ere.

Denok bat etorri dira irteera honek duen balio historiko-kulturala erantsita adierazten eta eskualdeak gordeta  duen ondasunak azalera ateratzen dituela azpimarratzen.