Astola aldizkaria

Gerediaga Elkarteak bultzatuta Durangaldeko bizitzako arlo ezberdinei buruz egin diren lanen eta artikuluen zabaltzaile da Astola aldizkari elebiduna. Historia, arkeologia, etnografia, folklorea, literatura, musika eta bestelako gai eta zientzia batzuk dute haien lekua Astolaren orrialdeotan. Ikerketa lanak biltzen ditu: kasu askotan sekula argitaratu gabeak edota kaxoi batean ahaztuta geratzen diren horietakoak. Lan horiek Astola izan dezakete zabalkunde bidea. Aktualitateko gaiak ere jorratzen dira, gure inguruan eragin zuzena dutela aintzat hartuta.